Achaima Ha Chini-by PYARE

On: 12:13 AM By: TIPRASA UPDATES 2 comments

Achaima Ha Chini
------------------

naithok chini achaima ha,
rutuk manya biyang kwmakha!

Achaima hao chini,
kaplaima khorang tini.

mwnaksai phaika hale,
piring-poroi chwngle.

twmaba wngnai thinang?
dophale moktwi gwnang.

kwrwikha tongthok-chathok,
yang-oyang khwnaya kokborok.

ayang narni kothaise khunjuo,
chini kokthai tini kwmakha boro?

achaima hao timi mungsa kwrwi,
wngbaikha joto mokolni moktwi.

kwrwikha haktal huk tini,
moktwi klaio sini sini.

kwrwikha chini dophani khorang,
achaima ha wngkha emang.

bachanai kwrwi,kwrwikha songsanai;
achaima ha chini bwswk kapsinai.

achaima hao buini pohja klaikha,
uri khuktwini nok joto bai klaikha.

achaima hani khorang khwnaowi,
khajao agini sengkrakrokno wansugwi.

chini hao boroni emang tini?
waisa sathani wansukna nangkha waisini.

achaima ha chini,
wngkha tini swbani?

sanlaima khorang tini-
"achaima ha chini".